Komuna e Tetovës në bashkëpunim me Sektorin për Arsim të Komunës ka marrë vendim që sot dhe nesër të ndërpritet procesi edukativo arsimor për shkak të situatës së krijuar pas zjarrit që ka shpërthyer sot në një depo në qytet.

Ndërkaq sot edukatoret e çerdheve obligohen që t’i mbajnë në kujdestari fëmijët, prindërit e të cilëve përshkak të përgjegjësive të punës nuk kanë mundësi t’i marrin nga çerdhet.

Ky vendim është marrë për arsye sigurie nga përkeqësimi i cilësisë së ajrit në Tetovë dhe me qëllim të mbrojtjes së shëndetit të fëmijëve dhe nxënësve.

Po ashtu apelojmë edhe tek qytetarët që pa nevojë të mos dalin nga shtëpitë e tyre deri në përmirësimin e situatës dhe pastrimit të ajrit.

Qytetarët dhe nxënësit të cilët lëvizin jashtë për nevojat e tyre personale duhet të mbajmë me vete maska mbrojtëse, thuhet në njoftimin nga Komuna e Tetovës./arbresh.info/